ठेचोमा दोश्रो मेयर कप फुटवल प्रतियोगिता सुरु

ललितपु्र खबर
१३ कात्तिक ०७८, चापागाँउ । ललितपुरको ठेचोमा दोश्रो मेयर कप २०७८ सुरु भएको छ । अखिल नेपाल फुटवल संघका अध्यक्ष कर्मा छिरिङ शेर्पाले ठेचो दुरीखेलस्थित खेल मैदानमा शनिबार फुटवल हस्तान्तरण गरेर फुटवल प्रतियोजिताको शुभारम्भ गरे ।

टु स्टार क्लबको आयोजनामा २०७८ बैशाख २७ गतेबाट आयोजन ागर्ने घोषणा भइसकेको यस प्रतियोगिता कोरोना माहामारीको दोश्रो लहर आएपछि गरिएको निषेधाज्ञाका कारण स्थगित भएको थियो ।
‘विविधतामा एकता’ भन्ने मूल नाराका अन्तर वडास्तरीय उक्त फुटबल प्रतियोगिता क्वलको क्लबको २७औँ वार्षिकोत्सब तथा दीपावली, नेपाल संवत र छठ पर्वको उपलक्षमा आयोजना गरिएको हो । प्रतियोगितामा विभिन्न वडाबाट २० टोलीको सहभागिता रहने जनाइएको छन् ।

कर्यक्रममा बोल्दै संघका अध्यक्ष शेर्पाले गोदावरीका विभिन्न प्रतियोगितामा एन्फाले सहयोग र सहकार्य गर्ने बचन दिए । उनले राष्ट्रिय स्तरका प्रतियोगिता गर्न चापागाँउको टाहाखेलमा खेल मैदान तयार हुन लागेको भन्दै खुशी व्यक्त गरेका थिए ।

नगरपालिकाका मेयर गजेन्द्र महर्जनले खेलाडीहरुको उर्भर भूभि गोदाव।ी नगरको ठेचोका युवालाई खेल क्षेत्रमा लाग्न प्रेरित गर्ने उद्देश्यले विभिध कार्यक्रमहरु न्गरपालिकाले ल्याउन लागेको बताएका थिए ।
गोदावरी नगरपालिका वडा नं १२ सहआयोजक तथा सहकारी पे पावर्ड बाइ प्लानेट अर्थ सोलुसन प्रायोजक रहेको यस प्रतियोगिताका विजेताले नगद रु १ लाख र ट्रफी प्रदान गरिनेछ भने उपविजेतालोई नगद रु ५० हजार र ट्रफी दिइने छ । प्रतियोगिता यहि कात्तिक २७ गतेसम्म चल्नेछ ।