मंलबजारमा आगलागी, ४ जनाको मृत्यु २ जना घाइते

१९ कात्तिक ०७८,ललितपुर । ललितपुरको मंगलबजार टंगलमा ग्यास विस्पोटमा परेर आगलागीपछि ४ जनाको मृत्यु भएको छ ।
ललितपुर प्रहरी प्रवक्ता प्रज्वल महर्जनका अनुसार मंगलबजारको लक्ष्मी कृष्ण ताम्राकारको  चारतले पुरानो घरमा आगलागीपछि घरधनी ताम्राकारसहित अन्य ३ जनाको मृत्यु भएको छ । प्रवक्ताले भनेअनुसार साँझपख आगलागीपछि अन्य मृतक को नाम भने अहिलेसम्म खुलेको छैन । प्रहरीलाई आएको जानकारी अनुसार अन्य २ जना समेत घाइते छन् ।

म्ह पूजा गरिरहेको बेला बलिरहेको दियोबाट पर्दामा आगो लागेको थियो । लक्ष्मीकृष्णको परिवार अर्को तलामा रहेको कारण आगो लागेको पत्तो नपाएको उनले बताए । आगो फैलिदै गएपछि भान्साको गयास पड्केको थियो । त्यसपछि एकाएक भयावह स्थिती आयो ।

मृत्यु हुनेमा ६८ वर्षीय बृद्ध लक्ष्मीकृष्ण ताम्रकार, उनकी ३५ वर्षीया छोरी अन्जना, ३५ वर्षकी बुहारी रचना र १० वर्षका नाति निर्जल प्रहरीको भनाई छ । घाइते हुनेमा ४२ वर्षका छोरा निरज ताम्राकार र ३२ वर्षकी कान्छी छोरी सिर्जना ताम्राकार रहेका घाइते छन् ।