अनामनगरमा दिपावलीमा बलेको दियोबाट सल्कियो आगो,भिषण आगलागी, ५६ लाखको क्षति

२१ कात्तिक ०७८, काठमाडौं । काठमाडौंको अनाम नगरमा दिपावली गर्ने क्रममा बालिएको दियोबाट आगो सल्कदा भिषण आगलागी भएको छ ।
प्रहरीका अनुसार काठमाडौं महानगरपालिका २९ अनामनगरस्थित गोरखा भिमसेन थापा गाउँपालिका घर भएकी २४ वर्षीया पुष्पाञ्जली भन्तनाको फर्निचर सोरुममा लक्ष्मीपूजाको दियो बालेर बाहिर गएको अवस्थामा बिहीबार साँझ आगलागी भएको थियो । आगलागीपछि फर्निचरका सामानहरू जलेर करिब ५५ लाख रुपैयाँ बराबरको धनमाल नष्ट भएको प्रहरीले जानकारी दिएको छ ।
साथै आगलागीबाट यसै घरमा रहेको ३८ वर्षीय सुयोभ मैनालीको काठमाडौं कस्मेटी सर्जरी समेत जलेर करिब १ लाख रुपैयाँ बराबरको धनमाल नष्ट भएको प्रहरीको भनाई छ ।