ललितपुर सानागाउँमा मोटरसाइकल र स्कुटर जुध्यो

३० कात्तिक ०७८, ललितपुर  । ललितपुरको सानागाउँमा मोटरसाइकल र स्कुटर जुध्दा पाँच जना घाइते भएका छन्। बुधबार महालक्ष्मी नगरपालिकाको सानागाउँस्थित मुख्य सडकमा दुर्घटना हुँदा पाँच जना घाइते भएको महानगरीय प्रहरी परिसर ललितपुरले जानकारी दिएको छ।

बा ५६ प २४०५ नम्बरको स्कुटर र बा ४२ प ७३९८ नम्बरको मोटरसाइकल जुधेको थियो। घटनापछि महानगरीय प्रहरी प्रभाग लुभूको टोली घटनास्थल पुगेर एम्बुलेन्स बोलाएर अस्पताल पठाएको थियो। घाइतेहरूको उपचार अहिले किष्ट अस्पतालमा भइरहेको छ। उनीहरूको पहिचान नखुलिनसकेको प्रहरीले जनाएको छ।घाइतेमध्ये एक महिलाको अवस्था गम्भीर रहेको परिसरका प्रवक्ता प्रहरी उपरीक्षक प्रज्वल महर्जनले बताए। उनका अनुसार एउटामा तीन जना सवार रहेको र तिव्र गतिका कारण दुर्घटना भएको हुनसक्ने प्ररम्भीक अनुमान छ।

लुभू प्रभागले दुबै सवारीसाधन नियन्त्रणमा लिई महानगरीय प्रहरी वृत्त सातदोबाटोमा पठाएको छ। प्रहरीले घटना सम्बन्धमा थप अनुसन्धान गरिरहेको छ।