ललितपुर काँग्रेस सभापतिमा ३ जनाको उम्मेदवारी दर्ता

ललितपुर खबर
१० मंसिर ०७८ , ललितपुर । ललितपुर काँग्रेसको सभापतिको निर्वाचनका लागि ३ जनाको उम्मेदवारी परेको छ । नेपाली काँग्रेस ललितपुरको मतदान अधिकृत सुरेस घिमिरेका अनुसार नेपाली काँग्रेस जिल्ला सभापतिका लागि रामकृष्ण चित्रकार, मिनकृष्ण महर्जन र जितेन्द्र कुमार श्रेष्ठको उम्मेदवारी परेको हो ।

शुक्रबार ३ बजे प्रकाशित अन्तिम नामावली अनुसार उपसभापतिका लागि कर्म व्यञ्जनकार,खोमप्रसाद घिमिरे, गजेन्द्र महर्जन,सुदर्शन घिमिरेको उम्मेदवारी परेको उल्येख छ ।

सचिव पदमा भने अमिर बज्राचार्य,कृष्णभक्त महर्जन,राजन प्रसाद घिमिरे, बशिष्ट प्रसाद अधिकारी, र विष्णुप्रसाद तिमल्सिना उम्मेदवारी परेको छ ।

सहसचिवतर्फ उम्मेदवारहरु अमृतबहादुर कहर्जन,ऋषिदेव फुयाल, गणेश केसी र नविन्द्रदेव सिंह रहेका छन् ।

२ जना उम्मेदवार निर्विरोध निर्वाचित

नेपाली काँगे्रसकोकेन्द्रिय महाधिवेशन प्रतिनिधि अपाङ्कतर्फ रामप्रसाद दाहाल निर्विरोध निर्वाचित भएका छन् । महाँकाल गाँउपालिकाकी महिला सदस्यमा सुनिता बञ्जारा घिमिरे निविरोध निर्वाचित भएकी छिन् ।