नक्सालमा घार तलाबाट खसेर मजदुरको मृत्यु

११ मंसिर ०७८, काठमाडौं । काठमाडौं महानगरपालिका १ नक्साल भगवतीबहालस्थित बिशाल समूहले निर्माण गर्दै गरेको कल सेन्टर अफिसको ४ तलाबाट खसेर काठमाडौं सोह्रखुट्टे बस्ने भारत झारखण्ड घर भएका ३४ वर्षीय अथर आलमको बुधबार दिउँसो मृत्यु भएको छ ।
उक्त तलामा लेवर काम गर्ने क्रममा एक्कासि भुइँमा खसेर गम्भीर घाइते भएका उनको कमलपोखरीस्थित हिमाल अस्पतालमा उपचारको क्रममा मृत्यु भएको हो ।
यस सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।