गोदावरीमै भेटियो चोरिएको बसुन्धाराको मूर्ति

२० मंसिर ०७८, ललितपुर । गोदावरीस्थित सिद्धेश्वर महादेव मन्दिरबाट चोरी भएको करिब १ फिट अग्लो ८ ईन्च
चौडा भएको १ थान बसुन्धराको मूर्ति यसै स्थान नजिक जंगलमा आइतबार फेला परेको छ ।
उक्त मन्दिरबाट मंसिर १४ गते राति श्रीनारायण र बसुन्धाराको मूर्ति चोरी भएको थियो । खोजी गर्ने क्रममा बसुन्धाराको मूर्ति फेला परेपनि श्रीनारायणको मूर्ति भने फेला नपरेको प्रहरीको भनाई छ ।
श्री नारायणको मूर्ति तथा चोरहरूको खोजतलास भइरहेको प्रहरीले जानकारी दिएको छ । घटनाको सम्बन्धमा प्रहरीले थप अनुसन्धान गरिरहेको समेत प्रहरीले बताएको छ ।