कोटेश्वरमा मोटरसाइकल दुर्घटना, ठिमी बस्ने एक युवकको मृत्यु

२१ मंसिर,०७८, काठमाडौं । काठमाडौंको चोटेश्व्र चोकमा गएराती मोटरसाइकलको दुर्घटनामा परेर एक युवकको मृत्यु भएको छ । प्रहरीका अनुसार काठमाडौंको कोटेश्वरमा रोकिराखेको ट्रकमा ठोक्किएर भक्तपुरको ठिमीका ३५ वर्षीय सुरज खलाको मृत्यु भएको हो ।
दुर्घटनापछि गम्भीर घाइते उनका उपचारका लागि काठमाडौं मेडिकल कलेज सिनामंगल लगिएको थियो । दुर्घटनापछि गम्भिर घाइते खलाको उपचारको क्रममा मृत्यु भएको प्रहरीको भनाई छ ।

कोटेश्वरको आकाशेपुल नजिकै सडक किनारामा रोकिराखेको ना ६ ख ३१५८ नम्बरको ट्रकमा बागमती प्रदेश–०२–०२७ प ५९३७ नम्बरको मोटरसाइकल आज बिहान सवा २ बजेतिर ठोक्किएको थियो ।
दुर्घटनापछिसहित ट्रक चालकलाई नियन्त्रणमा लिइ कानूनी प्रकृया सुरु गरिएको प्रहरीले जानकारी दिएको छ ।