भक्तपुरको हनुमानघाटमा सुधारिएको शवदाह निर्माणको शिलान्यास

२७ मंसिर ०७८, भक्तपुर । भक्तपुर नगरपालिका ७ हनुमानघाटस्थित खोह्र दीपमा सुधारिएको शवदाह निर्माणको आज सोमबार शिलान्यास गरिएको छ । भक्तपुर नगरपालिकाले स्थानीय उपभोक्ता समितिबाट निर्माण हुन लागेको शवदाह निर्माणको आज भक्तपुर नगरपालिकाका उपप्रमुख रजनी जोशीले शिलान्यास गरेकी छिन् ।
कूल रु ५७ लाख ५७ हजार ४सय ३३ को लागतमा सुधारिएको शवदाह निर्माणका लागि भक्तपुर नपाबाट पहिलो चरणमा रु २५ लाख बजेट विनियोजन गरिएको उपभोक्ता समितिका अध्यक्ष कृष्ण गोविन्द लाखाजुले जानकारी दिएका छन् । शवदाह गर्दा दुई घण्टाभन्दा बढी समय नलाग्ने, परालले छोप्न नपर्ने, फलामे ढकनीको प्रयोग हुने, धुवाँ कम आउने भएकाले प्रदूषणमा कमी हुने, दाउरा साबिकभन्दा आधा मात्र लाग्ने र गुठीको परम्पराअनुसार संस्कार पु¥याएर दाहसंस्कार गर्न मिल्ने गरी निर्माण हुन लागेको उनले जानकारी दिएका छन् ।