विद्यार्थीले गरे प्याङगाउँ बजार सफाई

६ पुस ०७८, चापागाँउ । दक्षिण ललितपुरको राजधानीको रुपमा परिचित प्याङ्गाँउ बजारको जनभावना क्याम्पसका विद्यार्थीले सरसफाई गरेका छन् ।
क्याम्पसको सामाजिक कार्य विषय लिएर स्नातक तह पहिलो र दोश्रो वर्षमा अध्ययनरत विद्यार्थीले आयोजना गरेको सरसफाईको उद्घाटन जनभावना क्याम्पसका क्याम्पस प्रमुख शिबराज सन्जेलले गरेका थिए ।
क्याम्पस प्रमुख सञ्जेल तथा क्याम्पस सञ्चालक समितिका सदस्य बेदबहादुर लामाले माक्स, ग्लब्स, सेनिटाइजर, कुचोसहितका सरसफाइका सामग्री हस्तान्तरण गरेपछि सरसफाई सुरु भएको थियो ।
क्याम्पस प्रमुख सन्जेलले विद्यार्थीलाई समाज सेवाका यस्ता गतिविधिबाट विद्यार्थीको शिक्षण सिकाई प्रभावकारी हुने बताए ।
क्याम्पस वरपरका वातावरण सफा राख्न क्याम्पसको कतव्य भएको बताउदै सञ्जेलले सहभागी विद्यार्थीहरुलाई धन्यवाद दिएका थिए ।

आगामी दिनमा क्याम्पस परिसरसहित प्याङगाउ बसपार्कमा रहेका फोहोरहरुको ब्यबस्थापन गरी आगामी दिनमा लागि रहेने क्याम्पस प्रमुख सञ्जेलको प्रतिवद्धता व्यक्त गरे ।
सरसफाईका लागि आवश्यक पानी तथा सामग्रीको व्यवस्थापन क्याम्पसले गरेको थियो ।