साँखु क्षेत्रमा आगलागी

८ पुस ०७८, काठमाडौं । काठमाडौंको साँखु क्षेत्रमा आगलागी भएको छ ।
प््रहरीका अनुसार शंखरापुर नगरपालिका ८ स्थित खत्रीगाउँ बस्ने ६२ वर्षीय जयराम केसीको घरमा करेन्ट सर्ट भई बिहीबार बिहान आगलागी हुँदा विभिन्न सामानहरू जलेर करिब ५ लाख रुपैयाँ बराबरको धनमाल नष्ट भएको छ ।
आगलागीको सूचना पाएलगत्तै अस्थाई प्रहरी बिट गागलफेदीबाट खटिएको प्रहरीले स्थानीयवासीको सहयोगमा आगलागी नियन्त्रणमा लिएका थिए ।
घटनाका सम्बन्धमा थप अनुसन्धान गरिरहेको प्रहरीले जानकारी दिएको छ ।