काठमाडौंको जडिबुटीमा एक बृद्धको ट्रकको ठक्करपछि मृत्यु

११ पुस ०७८, काठमाडौं । काठमाडौंको जडिबुटीमा एक ट्रकको ठक्करबाट स्कुटर चालक बृद्धको मृत्यु भएको छ । प्रहरीका अनुसार काठमाडौं महानगरपालिका ३२ जडिबुटीमा प्रदेश ०३ –००१ ख २०१७ नम्बरको ट्रकले प्रदेश ०२–०२६ प ८७६६ नम्बरको स्कुटरलाई शनिबार दिउँसो ठक्कर दिँदा स्कुटरमा सवार सोही महानगरपालिका १६ नयाँबजार बस्ने ६० वर्षीया मथुरा मानन्धरको मृत्यु भएको छ ।
ठक्करबाट गम्भीर घाइते भएकी उनको राष्ट्रिय ट्रमा सेन्टरमा उपचारको क्रममा मृत्यु भएको हो ।
ट्रक चालकलाई प्रहरीले नियन्त्रणमा लिएर कानूनी कारवाही सुरु गरेको जानकारी दिएको छ ।