बुङमती र मनोहरामा एक एक जना मृत अवस्थामा फेला

१२ पुस ०७८, काठमाडौं । ललितपुरको बुङमती र काठमाडौंको मनोहरामा एक एक महिला र पुरुष जना मृत अवस्थामा फेला परेका छन् ।
प्रहरीका अनुसार ललितपुर महानगरपालिका २ बुङमती बसपार्कस्थित त्रिरत्न स्कुल पछाडी हाल नाम, थर नखुलेका करिब ६० वर्षीय पुरुष सोमबार मृत अवस्थामा फेला परेका छन् ।
साथै काठमाडौंको कागेश्वरी मनोहरा नगरपालिका १ गागलफेदी गुम्बाडाडास्थित बारीमा सोही नगरपालिका बस्ने ३३ वर्षीया धनमाया तामाङ सोमबार मृत अवस्थामा फेला परेकी छन् ।
घटनाहरुका सम्बन्धमा प्रहरीले अनुसन्धान गरिरहेको जानकारी दिएको छ ।