ललितपुरको इमाडोलमा चोरी

१३ पुस ०७८, ललितपुर । ललितपुरको इमाडोलको एक डेरामा चोरी भएको छ । प्रहरीका अनुसार महालक्ष्मी नगरपालिका १ ईमाडोल नयाँबस्ती डेरा गरी बस्ने प्युठान घर भएकी ३८ वर्षीया बिमला बनजांडे ( बष्टको) कोठाबाट नगद, सुन तथा चाँदीका विभिन्न गहना समेत गरी करिब ७ लाख ८८ हजार ५ सय रुपैयाँ बराबरको धनमाल चोरी भएको छ ।
उनको कोठामा कोही नभएको अवस्थामा अपरिचित मानिसहरुले कोठाबाट उक्त धनमाल चोरी गरी भागेको प्रहरीको भनाई छ । चोरीको सूचना प्राप्त हुनासाथ महानगरीय प्रहरी प्रभाग ईमाडोलबाट खटिएको प्रहरीले चोरीमा संलग्न हाल फरार व्यक्तिहरुको खोजी गर्नुका साथै यस घटनामा आवश्यक अनुसन्धान गरिरहेको जानकारी दिएको छ ।