१३ पुस ०७८, काठमाडौं । काठमाडौंको दक्षिणकालीबाट एक युवकलाई प्रहरीले अवैत्र लागू औषधसहित पक्राउ गरेको छ ।
प्रहरीका अनुसार दक्षिणकाली नगरपालिका ५ फर्पिङबाट नियन्त्रित लागूऔषध ५ सय ८८ एम्पुल डाईजेपाम, ५ सय ८४ एम्पुल नुर्फिन र ५ सय ८५ एम्पुल फेनारगन सहित काठमाडौं कलंकी बस्ने बारा कोल्हबी नगरपालिका–५ बधुबन घर भएका ५१ वर्षीय टेकल बहादुर थापालाई सोमबार दिउँसो प्रहरीले पक्राउ गरेको छ ।
रौतहट चपुरबाट काठमाडौंतर्फ आउँदै गरेको ना.१ ज ३९३६ नम्बरको टाटा सुमोलाई प्रहरीले जाँच गर्न क्रममा सुमोमा सवार उनलाई लागूऔषध सहित फेला पारी पक्राउ गरेको प्रहरीको भनाई छ ।
उनी उपरलागूऔषध नियन्त्रण ऐन, २०३३ बमोजिम महानगरीय प्रहरी वृत्त कीर्तिपुरबाट थप अनुसन्धान भइरहेको महानगरीय प्रहरी परिसर काठमाडौंले जानकारी दिएको छ
प्रतिक्रिया