भक्तपुरको झौखेलबाट अवैध लागूऔषध सहित २ जना पक्राउ

१४ पुस ०७८, काठमाडौं । भक्तपुरबाट लागूऔषध सहित २ जना पक्राउ परेका छन् ।
प्रहरीका अनुसार भक्तपुरको चाँगुनारायण नगरपालिका ३ झौखेलबाट १३ किलो ३ सय ग्राम अवैध लागूऔषध गाँजा सहित २ जनालाई मंगलबार दिउँसो प्रहरीले पक्राउ गरेको हो ।
पक्राउ पर्नेहरुमा सोही नगरपालिका ३ झौखेल बस्ने ५३ बर्षीया बुद्धलक्ष्मी सुवाल र सोही ठाउँ बस्ने ४५ वर्षीया गुमरथुकु सुवाल रहेका छन् ।
महानगरीय प्रहरी परिसर भक्तपुरबाट खटिएको प्रहरीले बुद्धलक्ष्मीको साथबाट ९ किलो र गुमरथुकुको साथबाट ४ किलो ३ सय ग्राम गाँजा फेला पारी दुवै जनालाई पक्राउ गरेको जानकारी दिएको छ ।