चोभार र सानोथिमीमा २ जना मृत फेला

१५ पुस ०७८, काठमाडौं । ललितपुरको चोभार र भक्तपुरको सानोथिमीमा एक एक जना मृत अवस्तामा फेला परेका छन् । प्रहरीका अनुसार भक्तपुरको मध्यपुरठिमी नगरपालिका २ सानोठिमीस्थित नागरिक उड्यन प्रशिक्षण प्रतिष्ठानको कम्पाउण्डमा काठमाडौं जडिबुटी बस्ने मकवानपुर हेटौंडा घर भएकी ८० वर्षीया उखुमाया गोले बिहीबार मृत अवस्थामा फेला परेकी छन् ।
साथै ललितपुरको ललितपुर महानगरपालिका १८ चोभार सेतोपाटीस्थित नयाँ बन्दै गरेको घरको भुँईतलामा हाल नाम, थर, वतन नखुलेका करिब ५५ वर्षीय पुरुष बिहीबार मृत अवस्थामा फेला परेका छन् ।
घटनाहरुका सम्बन्धमा प्रहरीले अनुसन्धान सुरु गरेको जानकारी दिएको छ ।