अवरुद्ध हुँदै आएको संसद बैठक आज पनि बस्दै

१८ पुस ०७८,काठमाडौं । आज पनि संसद बैठक बस्दैछ । आज दिउँसो १ बजे बस्ने बैठकमा प्रधानमन्त्री शेरबहादेर देउवाले थारु आयोगको तेस्रो वार्षिक प्रतिवेदन २०७७÷७८ प्रस्तुत गर्ने कार्यसूची रहेको छ ।
प्रमुख प्रतिपक्षी दल नेकपा एमाले संसद्को नवौं अधिवेशनदेखि नै निरन्तर बैठक अवरूद्ध गर्दै आएको छ । एमाले पार्टीमा रहदा संसद रहेका माधव नेपालसहित सासंदलाई पार्टीले कारवाही गरी संसदलाई जानकारी गराए पनि सभामुख अग्नी प्रसाद सापकोटाले कारवाही गरिएको सूचना टाँस नगरेको विरोधमा एमाले निरन्तर संसदभित्र आन्दोलन गरिरहेको छ । तर सभामुखले प्रमुख प्रतिपक्ष रहेको एमालेलाई वेवास्ता गर्दै संसदको काम कारवाही अघि बढाइरहेका छन् ।
संसद भवन बानेश्वरमा बैठक बस्नुअघि सभामुख अग्निप्रसाद सापकोटाले ११ बजे कार्यव्यवस्था परामर्श समितिको बैठक बोलाएका छन् ।