उपत्यकामा २२१९ सहित नेपालमा थप ४ हजार ६३६ जनामा कोरोना संक्रमण

१ माघ ०७८, काठमाडौं । काठमाडौं उपत्यकामा २२१९ सहित नेपालमा थप ४ हजार ६३६ जना कोरोना संक्रमित थपिएका छन्।
स्वास्थ्य तथा जनसंख्या मन्त्रालयका अनुसार शनिबार पिसिआर परीक्षणबाट ३ हजार ७०३ र एन्टिजेन परीक्षणबाट ९३३ जनामा कोरोना संक्रमण पुष्टि भएको हो।

पछिल्लो २४ घण्टामा १४ हजार ५५६ जनामा कोरोना परीक्षण गरिएको थियो। देशभर २१ हजार ५ सय ८४ जना कोरोनाका सक्रिय संक्रमित छन्। पछिल्लो २४ घन्टामा कोरोना संक्रमणबाट ४ जनाले ज्यान गुमाएका छन्।

यस्तै ३५० जना संक्रमणबाट मुक्त भएका छन्। यसअघि शुक्रबार एकैदिन ५ हजारभन्दा बढी कोरोना संक्रमित थपिएका थिए। काठमाडौं उपत्यकामा २२१९ संक्रमित थपिएका छन्। स्वास्थ्य तथा जनसंख्या मन्त्रालयका अनुसार काठमाडौंमा १५९१, भक्तपुरमा १४२ र ललितपुरमा ४८६ संक्रमित थपिएका छन्।