दक्षिण ललितपुरको मानिखेलमा आगलागी

२ माघ ०७८, ललितपुर । दक्षिण ललितपुरको महाँकाल गाउपालिका २ मानिखेलमा आगलागी भएको छ ।
प्रहरीका अनुसार मानिखेलस्थित पिपलबोट घर भएका बलराम दुलालको गोठमा शनिबार विहान आगलागी भएको हो । शनिबार बिहान ७ बजे गाई भैसीलाई खोले पकाउने क्रममा आगलागी भएको र आगलागीपछि गोठ जलेर नष्ट भएको छ ।
आगलागीपछि कुनै ठूलो धनजनको क्षति हुन भने पाएन । गोठमा आगो सल्केपछि राखिएको पराल, ढुटो दाना भने जलेर नष्ठ भएको छ । ईलाका प्रहरी कार्यालय टुङ्गुन गोटीखेलका प्रहरी हवल्दार प्रकाश श्रेष्ठले दिएको जानकारी अनुसार आगलागी लगत्तै गाई, भैसीलाई छिमेकीको गोठमा सारिएको थियो ।

मानिखेलका वडासदस्यद्धय पार्वती तिमल्सिना गोविन्द बजगाँईको रोहबरमा गरिएको मुचुल्कामा आगलागीबाट २ लाख बराबरको क्षति भएको मुचल्का उठाइएको प्रहरी हवल्दार श्रेष्ठले बताए । स्थानीय सीता बजगाँइले बिहानको समय र माघे सङकान्ति पर्व परेकाले गाउँले घरैमा रहेकाले २ ओटा भौसी, २ ओटा ग्राई , ५ ओटा बाख्रा र गोठ सँगै जोडिएको घर बचाउन सकेकाले ठूलो धन राशी जोगिएको बताइन् ।