ललितपुरको बखुण्डोलमा भिषण आगलागी, बेकरी जलेर नष्ट, ९० लाखको क्षति

३ माघ ०७८, पाटन । ललितपुरमा सोमबार भीषण आगलागी भएको छ । प्र्रहरीका अनुसार ललितपुर महानगरपालिका ३ वखुण्डोलस्थित विनोद ओझाले संचालन गरेको ब्रो बेकरीमा बिद्युत सर्ट भई आगलागी भएको हो ।

सोमबार बिहान आगलागी हुँदा ओभन सेट सहित बेकरीमा प्रयोग हुने सामानहरु जलेर करिब ९० लाख रुपैयाँ बराबरको धनमाल नष्ट भएका प्रहरीको भनाई छ । आगलागीपछि स्थानीय बासिन्दा र दमकलको सहयोगमा आगलागी नियन्त्रणमा लिइएको प्रहरीले बताएको छ । घटनामा सम्बन्धमा प्रहरीले थप अनुसन्धान गरिरहेको जानकारी दिएको छ ।