१४ माघ ०७८, भक्तपुर । भक्तपुरकाे हनुमानघाटस्थित पौष शुक्ल पूर्णिमादेखि माघ शुक्ल पूर्णिमासम्म चल्ने माधव नारायण मेलामा व्रतालुहरु बाटोमा पल्टिमार्दै नगर परिक्रमा गर्छन् । यसैक्रममा भक्तपुरका टौमढी, गोलमढी, दत्तात्रय लगायतका क्षेत्र हुँदै व्रतालुहरु हनुमानघाट पुगेका हुन् ।
जाडोको बेलामा धाेती एउटा बेरेर नाङ्गाे शरीरमै गर्नुपर्ने यो विधि कठोर मानिन्छ । पुरुष व्रतालुलाई जाडोमा राहत मिलोस् भनेर ठाउँ–ठाउँमा आगो बालेर स्थानीयबासीले सघाएका थिए ।
भक्तपुरको हनुमानघाट प्रसिद्ध तीर्थस्थल हो । यहाँ वर्षेनी साँखुको शालीनदीमा जस्तै माधव नारायण मेला लाग्छ । नेपाल संवत् ७२२ देखि प्रत्येक वर्ष पौष शुक्ल पूर्णिमादेखि माघ शुक्ल पूर्णिमासम्म माघ धलं (माधव नारायण)को व्रत चलिआएको स्थानीयहरु बताउँछन् ।
त्यही एक महिने अबधिमा माघ शुक्लपक्षको एकादशीका दिन पुरुष ब्रतालुहरुले तौमढीस्थित तिलमाधव नारायण दर्शन गरी सो स्थानदेखि बाटोमा गुल्टिंदै र शंख फुक्दै हनुमानघाटको त्रिवेणीसम्म पुगेर जलासयमा बस्ने प्रचलन रहेकाे छ ।
प्रतिक्रिया