भक्तपुरको नलिन्चोकमा दुर्घटना, एक महिलाको दुखद निधन

१५ माघ ०७८, भक्तपुर । अरनिको राजमार्ग खण्डअन्तर्गत सूर्यविनायक नगरपालिका ९ नलिन्चोक बाँसघारीमा आज भएको दुर्घटनामा एक महिलाको मृत्यु भएको छ ।
बनेपाबाट काठमाडौँतर्फ गइरहेको बा५ख ३०२० नंको यात्रुवाहक बसले बा७०प ९१३८ नंको मोटरसाइकललाई ठक्कर दिँदा मोटरसाइकलमा पछाडि सवार दोलखा गौरीशङ्कर गाउँपालिका २ घर भई हाल नलिन्चोक बस्ने ४० वर्षीया गङ्गा बस्नेतको मृत्यु भएको महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिएका छन् ।
ठक्कर दिने बसका चालक काभ्रेलाञ्चोक बनेपा नगरपालिका ९ बस्ने ४१ वर्षीय रविन श्रेष्ठ र बसलाई नियन्त्रणमा लिएर महानगरीय प्रहरी वृत्त जगाती भक्तपुरमा राखेको उनले जानकारी दिएका छन् ।