१४ फाल्गुन २०८०, सोमबार | Tue Feb 27 2024

मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

समाचार


मोरङ उखुबारीमा भेटिएको दुई शवमध्ये एउटा शव भक्तपुरका राजेन्द्रकुमार श्रेष्ठको



१६ माघ ०७८, काठमाडौँ । मोरङको उखुबारीमा खाल्डोबाट निकालिएका दुवै शवको पहिचान खुलेको छ ।

मोरङको धनपालथान गाउँपालिका–७ स्थित उखुबारीमा गाडेको अवस्थामा प्रहरीले बुधबार राति एउटा र बिहीबार दिउँसो एउटा शव निकालेको थियो ।

बुधबार राति खाल्डोवाट निकालिएको शव सप्तरी घर भएका शम्भु चौधरीको रहेको र बिहीबार खाल्डोबाट निकालिएको शव धरान उपमहानगरपालिका–३ घर भई भक्तपुर बस्दै आएका राजेन्द्रकुमार श्रेष्ठको रहेको पुष्टि भएको हो ।

उखुबारीमा चौधरीको शव निकालिएको ठाउँभन्दा करिब २५ मिटर पर फेला परेका राजेन्द्र कुमार श्रेष्ठको शव भेटिएको थियो ।

उनीहरु दुवैजना जग्गा कारोबार र ठेक्कापट्टा गर्थे । तर, राजेन्द्रका परिवारले चौधरीलाई कहिल्यै पनि सँगै हिँडेको नदेखेको प्रहरीलाई बताएका छन् ।

लेनदेनको विवादमा दुवै जनाको सँगै हत्या भएको हुनसक्ने प्रहरी स्रोतले बताएको छ । विराटनगर, झापा र काठमाडौंका केही शंकास्पद व्यक्तिमाथि सोधपुछ गरिरहेको जिल्ला प्रहरी कार्यालय मोरङका प्रहरी उपरीक्षक जनार्दन जिसीले बताउनुभयो। हत्यामा काठमाडौंमा बस्नेहरु नै संलग्न रहेको हुनसक्ने प्रहरीको प्रारम्भिक अनुसन्धान निष्कर्ष छ ।

प्रकाशित मिति : १६ माघ २०७८, आइतबार  २ : १७ बजे