२० माघ ०७८, काठमाडौं । त्रिभुवन विमानस्थलबाट अवैध सुनसहित ३ जना पक्राउ परेकाे छ । प्रहरीले अवैध सुन र मोबाइलसहित ३ जनालाई त्रिभुवन विमानस्थलबाट नियन्त्रणमा लिएको हाे ।
प्रहरिले हिमालय एअरको विमानहुदै दुबईबाट आएका दुई जना र सारजहाँबाट आएका एक जनागरी तीनजनालाई प्रहरीले लुकाईछिपाई ल्याएको एक किलो १२५ ग्राम अवैध सुन र १३ प्रो म्याक्स आईफोन थान५ सहित नियन्त्रणमा लिएको हो ।
पक्राउ पर्नेहरुमा रौतहटको गौर नपा १० सोबगाढा बस्ने ३२ वर्षीय सुनिलकुमार साह मकवानपुरको मनहरी ७ का २८ वर्षीय नवराज परियार र सिन्धुपाल्चोकको भोटेकोसी गाउँपालिका ३ घर भएका ३९ वर्षीय दावा छिरिङ शेर्पा रहेकाे प्रहरीले जनाएकाे छ ।
उनिहरुकाे साथबाट सुनको बेरुवा औंठी र सिक्री एकएक थान तथा आईफोन १३ प्रो म्याक्स ४ थान बरामद गरेको थियो । त्यस्तै परियारको साथबाट ५० ग्रामको सुनको बेरुवा औंठी एक थान र आईफोन १३ प्रो म्याक्स एक थान बरामद गरिएको प्रहरीले जनाएको छ।
सिन्धुपाल्चोकका शेर्पाले एककिलो ५५ ग्राम सुन बेलनाकार बनाएर अर्धठोस सुनको तीन थान गुद्द्वारमा लुकाईछिपाई ल्याएकाे प्रहरीले जनाएको छ।
नियन्त्रणमा लिइएकाहरुलाई प्रहरीले आवश्यक अनुसन्धान एवं कारबाहीको लागि बिहीबार त्रिभुवन विमानस्थल भन्सार कार्यालय गौचरमा बुझाएको छ।
प्रतिक्रिया