काठमाडौंको भद्रकालीमा दुर्घटना, एक जनाको मृत्यु

२० माघ ०७८, काठमाडौं । काठमाडौंको भद्रकालीमा विहीबार भएको दुर्घटनामा एक जनाको मृत्यु भएको छ ।
प्र्रहरीका अनुसार काठमाडौं महानगरपालिका ११ भद्रकाली मन्दिर अगाडि सडकमा बा.९ प ३३०९ नम्बरको मोटरसाइकल बा.४ ख ६९६६ नम्बरको बसमा ठक्कर खाई बिहीबार बिहान दुर्घटना हुँदा मोटरसाइकलमा सवार ओखलढुङगा सिद्दीचरण नगरपालिका ४ घर भई काठमाडौं पुरानो बानेश्वर बस्ने ६३ वर्षीया शारदा गुरुङको मृत्यु भएको छ ।
बसलाई ओभरटेक गर्ने क्रममा अनियन्त्रित भई बसमा ठोक्किएर भएको दुर्घटनामा गम्भीर घाइते भएकी शारदाको नर्भिक अस्पतालमा उपचारको क्रममा मृत्यु भएको हो । साथै दुर्घटनामा घाइते भएका मोटरसाइकल चालक उनकै श्रीमानको सोही अस्पतालमा उपचार भइरहेको छ ।
बस चालकलाई प्रहरीले नियन्त्रणमा लिएको प्रहरीले जानकारी दिएको छ ।