![](https://i0.wp.com/www.lalitpurkhabar.com/wp-content/uploads/2021/12/accident-jeep.jpg?resize=720%2C437&ssl=1)
२२ माघ ०७८, प्युठान । प्युठानमा बेहुली लिएर फर्कँदै गरेको जन्ती जीप दुर्घटना हुँदा ६ जनाको मृत्यु भएको छ । नौबहिनी गाउँपालिकाको लुङबाट बेहुली लिएर गौमुखी गाउँपालिकाको लिवाङ फर्कँदै गरेको ग १ ज ५०९२ नम्बरको जीप शनिबार बिहान ३ बजे दुर्घटनामा परेको हो ।
जिल्ला प्रहरी कार्यालयका प्रमुख सत्यनारायण थापाका अनुसार दुर्घटनामा ६ जनाको ज्यान गएको छ । मृतक पहिचान खुल्न सकेको छैन । बेहुलासहित सात जना घाइते भएका छन् ।
जीप खोल्सामा खसेको थियो ।
घाइतेलाई उपचारका लागि जिल्ला अस्पताल बिजुवार ल्याइएको थापाले बताए । न्युज कारखाना
प्रतिक्रिया