बुढानीलकण्ठबाट चोरी गरी फरार १ जना पक्राउ

२५ माघ ०७८, काठमाडौं ।  बुढानीलकण्ठबाट चोरी गरी फरार रहेका १ जना व्यक्ति पक्राउ परेको छन् । पक्राउ पर्नेमा उदयपुर डुम्रे घर भई हाल जिल्ला काठमाण्डौ बुढानीलकण्ठ नगरपालीका वडा नं ८ भंगाल डेरा गरी बस्ने बर्ष २१ को नितेस मगर रहेका छन् ।

रातको समयमा जिल्ला काठमाण्डौ बुढानीलकण्ठ नगरपालिका वडा नं ८ भङ्गालस्थित हरि पराजुलीको खाली जग्गा भाडा लिई जिल्ला दोलखा जिरी नगरपालिका वडा नं ८ घर भई  बम बहादुर तामाङले सञ्चालन गर्दै आएको डि.बि.फर्निचरको ढोका फुटाई गरेको आरोपमा प्रहरीले उसलाई पक्राउ गरेको हो ।

महानगरीय प्रहरी प्रभाग,बुढानीलकण्ठबाट खटिएको प्रहरी टोलीले आइतबार बुढानीलकण्ठ नगरपालीका वडा नं ८ स्थित स्पेसल चोकमा लुकिछिपी हिडिरहेको अवस्थामा फेला पारी उसलाई  नियन्त्रणमा लिई महानगरीय प्रहरी बृत्त, महाराजगञ्जबाट थप अनुसन्धान कार्य भई रहेको  छ ।