मेलाम्चीमा घाँस काटेको विवादपछि महिलाको हत्या

२६ माघ ०७८, सिन्धुपाल्चोक । मेलम्ची नगरपालिका १० साधखोला बस्ने ६० वर्षीया मिनकुमारी खड्काको हत्या गरेको अभियोगमा ईन्द्रावती गाउँपालिका ४ टाँकुरे तामाङटोल बस्ने ३२ वर्षीय कुमार तामाङलाई बुधबार बिहान प्रहरीले पक्राउ गरेको छ ।
प्रहरीका अनुसार मिन कुमारी र छिमेकी महिला यसै ठाउँ खहरे बगुवा दोभानस्थित सिचाईकुलो खोधखोला सार्वजनिक जंगलमा घाँस काट्न गएको अवस्थामा कुमारले दुवै महिलालाई मुख छाडेको विषयमा मिन कुमारले किन मुख छाडेको भन्दा कुमारले एक्कासी लाठी र ढुङ्गाले टाउकोमा प्रहार गरेपछि उनको घटनास्थलमै मृत्यु भएको थियो ।
हत्यको खबरपछि ईलाका प्रहरी कार्यालय मेलम्चीबाट खटिएको प्रहरीले उनलाई नियन्त्रणमा लिएको हो । घटनाका सम्बन्धमा थपअनुसन्धान भइरहेको प्रहरीको भनाई छ ।