काठमाडौंको माछापोखरीबाट गरगहना लुटेर भाग्दै गरेको अवस्थामा पक्राउ

२७ फागुन ०७८, काठमाडौं । काठमाडौंको माछापोखरीबाट सुन चाँदीका गरगहना चोरेर भाग्दै गरेको अवस्थामा एक युवकलाईप्रहरीले पक्राउ गरेको छ । प्रहरीका अनुसार काठमाडौं महानगरपालिका १६ माछापोखराबाट राज कुमार तामाङको सुन–चाँदीका गर–गहना लुटपाट गरेको अभियोगमा यसै ठाउँ बस्ने नुवाकोट किस्पाङ गाउँपालिका ३ घर भएका १८ वर्षीय किशोरलाई बिहीबार राति प्रहरीले पक्राउ गरेको छ ।
राज कुमारको सुन–चाँदीका गर–गहना लुटपाट गरी फरार भएको भन्ने सूचनापछि महानगरीय प्रहरी वृत्त बालाजुबाट खटिएको प्रहरीले लुटपाटमा संलग्न ती किशोरलाई भाग्दै गरेको अवस्थामा फेला पारी पक्राउ गरेको हो ।
उनको साथबाट १ तोला सुनको मंगल सुत्र, १ थान चाँदीको ब्रासलेट र १ थान रातो पोते माला प्रहरीले बरामद गरेको छ ।
यस सम्बन्धमा प्रहरीले थप अनुसन्धान गरिरहेको छ ।