धादिङको एउटा घरमा आगलागी,एक जनाको मृत्यु

काठमाडौं । चैत ८ गते
आज बिहान थाक्रे गाउँपालिका ९ धाक्रेछाप धादिङको एउटा घरमा आगलागी हुँदा एक जना महिलाको मृत्यु जयान गएको छ । बिहान साढे ३ बजेको समयमा घरमा अचानक लागेको आगलागीबाट ५० वर्षकी नानीमायाँ आचार्यको निधन भएको हो । द्धरमा सुतिरहेकै अवस्थामा आगो लागेपछि उनको मृत्यु भएको हो ।

आगलागीबाट आचार्यको घर पूर्णरुपमा जलेको छ भने अन्य धन सम्पत्तिकोसमेत नष्ट भएको बताइएको छ । स्थानीयको सहयोगमा झण्डै एक घण्टापछि आगो निभाइएको हो ।आगलागीको कारणबारे अनुसन्धान भइरहेको जिल्ला प्रहरी कार्यलय धादिङले जनाएको छ ।