कलंकीमा कार दुर्घटना, छ जना घाइते

१० चैत ०७८, काठमाडौं । काठमाडाैंकाे कलंकीमा बिहीबार दिउँसो कारले मोटरसाइकल र स्कुटरलाई ठक्कर दिँदा चालकसहित ६ जना घाइते भएका छन् ।

कालीमाटीबाट कलंकीतर्फ आउँदै गरेकाे निजी बा ५ च ५४४० नम्बरको कारले रोकिराखेको स्कुटर र गुडिरहेको मोटरसाइकललाई एकसाथ ठक्कर दिँदा उक्त घटना घटेकाे  थियो ।

प्रहरीका अनुसार ठक्करबाट दुई चालकसहित छ जना घाइते भएको छन् । घाइतेहरूको कलंकीस्थित सहिद मेमोरियल अस्पतालमा उपचार भइरहेको छ भने उनीहरुकाे अवस्था सामान्य रहेकाे प्रहरीले जनाएकाे छ ।