१६ चैत्र ०७८, काठमाडौं । गठबन्धनको औचित्य कायमै रहेकाले स्थानीय आवश्यकताअनुसार गठबन्धनका दलबीच तालमेल गरेर जानुपर्ने अवस्था आएको नेपाली कांग्रेसका नेता प्रकाशमान सिंहले बताएका छन् ।आज राजधानीको बुद्धनगरमा आयोजित स्थानीयसँगको भेटघाटमा सिंहले तालमेलको मोडालिटी तय गर्न गठबन्धनका दलहरुबीच छिट्टै बैठक बस्ने बताए ।
कांग्रेस केन्द्रीय कमिटी बैठकले स्थानीय तहको निर्वाचनमा आवश्यकताअनुसार गठबन्धनका दलबीच तालमेल गर्ने निर्णय गरेको थियो । संसदमा कांग्रेसको उपस्थिति कस्तो थियो, कसरी र कसका कारण कांग्रेसको नेतृत्वमा सरकार निर्माण भन्ने कुराको ख्याल राख्नुपर्ने बताए । अब मतदाताले पनि चुनावमा लेखाजोखा गर्ने बेला आएको उनले बताए । देश र जनताका लागि कुन पार्टीले के गरेका छन् भनेर अब मूल्यांकन हुने सिंहले बताए ।
प्रतिक्रिया