भक्तपुरको ताथलीमा ढिस्कोमा पुरिएर दुई जनाको मृत्यु

१८ चैत ०७८, काठमाडौं । भक्तपुरको ताथलीमा प्लानिङको ढिस्कोमा पुरिएर दुई जनाको ज्यान गएको छ ।
चागुनारायण नगरपालिका वडा नम्बर ९ ताथलीमा चम्पा कुस्माले गरेको जग्गा प्लानिङमा वाल लगाउने काम गर्ने दुई जनाको ज्यान गएको हो ।
ज्यान गुमाउनेमा काभ्रे चौरी देउराली गाउँपालिका–३ को ५० वर्षका वर्षमान तामाङ र नमोबुद्ध नगरपालिका–९ का ३२ वर्षीय चतुरमान तामाङ रहेका छन् । घटनाबारे अनुसन्धान थालिएको प्रहरीले जनाएको छ । न्युज कारखाना