बैंकिङ कसुरमा प्रतिवादी गोंगबुबाट पक्राउ, ललितपुर अदालतमा पेस

२३ चैत्र ०७८, ललितपुर । बैंकिङ कसुरका फरार एक प्रतिवादी काठमाडौंको गोंगबुबाट पक्राउ परेका छन् । पक्राउ पर्नेमा काठमाडौं महानगरपालिका–६, बौद्ध बस्दै आएका ३३ वर्षीय ब्रजसिंह लामा छन् । केन्द्रीय अनुसन्धान ब्युरोको टोलीले उनलाई पक्राउ गरेको हो ।

जाहेरवालालाई झुक्यानमा पारी दिएको चेकको रकम भुक्तान हुन नसकेको ठहर गर्दै उनीविरुद्ध उच्च अदालत पाटनबाट ०७८ चैत १ गते २५ लाख रुपैयाँ जरिवाना र आठ दिन कैद सजाय सुनाइएको थियो ।

पक्राउ गरी फैसला कार्यान्वयनका लागि ललितपुर जिल्ला अदालतमा पेस गरेको ब्युरोले जनाएको छ ।