ललितपुर एमालेद्वारा निर्वाचन परिचालन कमिटी गठन

२३ चैत्र ०७८, ललितपुर। आसन्न स्थानिय तहको निर्वाचनका लागि नेकपा एमाले ललितपुरले विभिन्न कमिटीलाई पूर्णता दिएको छ ।
आउँदो स्थानीय निर्वाचनका लागि चुनावी रणनीति तय गर्न नेकपा एमालेका पोलिटब्यूरो सदस्य तथा ललितपुर जिल्ला ईन्चार्ज सुशिला नेपालको संयोजकत्वमा १९ सय ९९ सदस्यीय जिल्ला निर्वाचन परिचालन कमिटि गठन गरेको हो ।
जिल्ला निर्वाचन परिचालन कमिटिको सचिवमा ललितपुर जिल्लाका अध्यक्ष पुरुषोत्तम आचार्य रहेका छन् । जिल्लाका केन्द्रिय सदस्य तथा केन्द्रिय विभागका सदस्य, जिल्ला सल्लाहकार कमिटि, प्रतिनिधि परिषद, पालिका कमिटि सदस्यहरु, वडा कमिटि पदाधिकारीहरु, जनसंगठनका केन्द्र, प्रदेश, जिल्ला र पालिका कमिटिका सदस्यहरु, उद्यमी व्यावसायी तथा संघसंस्थामा आवद्ध समाजसेवी तथा लब्ध प्रतिष्ठित व्यक्तित्वहरु रहने निर्णय गरेको छ ।
स्थानिय तह निर्वाचन २०७९ लाई लक्षित गर्दै जिल्ला निर्वाचन परिचालन कमिटिसहित आर्थिक, प्रचार प्रसार र प्रतिवद्धता तयार उपसमितिसमेत गठन गरिएको हो ।
प्रदेश कमिटि सदस्य बाबुकाजी प्रधानको संयोजकत्वमा १७ सदस्यको आर्थिक उपसमिति गठन गरिएको छ । उपसमितिको उपसंयोजकमा अमृत खड्का, गम्भिर राणा, धु्रव कट्वाल, हरिगोविन्द श्रेष्ठलगायत छन् ।
चुनावी कार्यक्रमको प्रचारप्रसारको लागि १५ सदस्यिय प्रचार तथा प्रकाशन उपसमिति गठन गरिएको छ । बागमती प्रदेश कमिटि सदस्य जीवन खड्काको संयोजकत्व गठन गरिएको उपसमितीमा सहसंयोजक ब्रम्हान्द श्रेष्ठ सचिव राजेन्द्र न्यौपाने रहेका छन् । उपसमितिको सदस्यहरुमा प्रेस चौतारी आवद्ध पत्रकारहरु ईश्वरराज ढकाल, बिएम आचार्य, अशोक दुलाल, संचिता घिमिरे, सीता पोखरेल, सन्तोष दाहाल लगायत छन् ।
निर्वाचन प्रतिवद्धता तयारी उपसमितिको संयोजकमा बागमती प्रदेश कमिटि सदस्य मधुशुधन पौडेल, सुरेन्द्र मोहन शर्मा, मदन बिष्ट, शिवराज सञ्जेल, केशवराज आचार्य, डिल्ली घिमिरे, टिका ढकाल, गोपाल सञ्जेल छन् ।

सो बैठकले २४ गते बिहिवार उमेद्वारहरुको टुंगो लगाउन जिल्लाभित्र वडा कमिटिले बैठक बसी वडा अध्यक्ष र सदस्यहरुको नाम सिफारिस गर्नुपर्नेसमेत मापदण्ड तोकि दिएको छ । यसैगरी २६ गते नगर र गाउँपालिका कमिटिले बैठक बसी उमेद्वारहरु नगर प्रमुख, उपप्रमुख, गाउँपालिका अध्यक्ष, उपाध्यक्ष र वडा सदस्यहरुको सिफारीस सुझावसहित जिल्ला कमिटिलाई सिफारिस गर्नुपर्ने निर्णय गरेको छ । ललितपुर महानगरको मेयरको टुंगो केन्द्रिय कमिटिले लगाउँने छ भने, नगरपालिका प्रमुख उपप्रमुखको प्रेदश कमिटिले र वडा अध्यक्ष र सदस्यहरुको ललितपुर जिल्लाले टुंगो लगाउने निर्णय भएको छ ।