सञ्चारकर्मी वाग्ले भन्छन्, ‘मसँगै धेरै विकासका एजेण्डा छन्’

२४ चैत्र ०७८,ललितपुर । ललितपुरको महालक्ष्मी नगरपालिका वडा नं ७ को वडाध्यक्षमा दावी गरेका संचारकर्मी बलराम वाग्लेले आफूसँग स्थानीय क्षेत्रको विकासका लागि धेरै एजेण्डा भएको बताएका छन् ।
मंगलबजार ग्वार्को सडक एकातर्फ गर्न आफूले लामो समय पहल गरेको बताउने वाग्ले महालक्ष्मी नगरको खानेपानी विस्तारका लागि लामो समय संर्घष गरेको बताउछन् ।
नेपाल कम्युनिष्ट पार्टी एमालेको तर्फबाट दावेदारी अघि सारेका वाग्ले राजधानी दैनिक, आर्थिक दैनिकलगायत पत्रपत्रिकामा मार्केटिङको रुपमा काम गरिसकेका वाग्ले आफूलाई समाजसेवी भएको र विकासका एजेण्डालाई बलियो रुपमा उठाउन सक्ने हैसियत राख्ने हुँदा एमालेबाट आफूले टिकट पाउनु पर्ने बताउछन् । उनले भने,‘ वडालाई समृद्ध बनाउन र विकाशको बाटोमा अघि बढाउन मसँग धेरै योजना छन् ।’
स्थानीय जनप्रतिनिधिको हैसियत सासंदको भन्दा राम्रो रहेको बताउने वाग्ले स्थानीय जनप्रतिनिधिले चाहेको खण्डमा विकासको बाढी ल्याउन सक्ने बताउछन् । उनी भन्छन्, ‘आफ्नै घर आगनको विकाश निर्माण गर्न कुनै समस्या छैन । बजेट नै नभए पनि धेरै काम जनसहभागिताबाट गर्न सकिन्छ ।’ उनका अनुसार महालक्ष्मी नगरजस्तो विकशित शहरमा बसेर इमानदार भएर काम गने असल कार्यकर्तालाई पार्टीको छवि राम्रो बनाउन सक्ने अवसर रहेको छ । उनले भने, ‘असल व्यक्तिले अवसर पाए खराव जनप्रतिनिधि आफै बाहिरिन्छन् ।’
गत २०७४ सालको स्थानीय निर्वाचनमा यस वडाबाट नेकपा एमालेबाट नकुल थापा वडाध्यक्ष जितेका थिए । पार्टी विभाजनपछि थापा अहिले एकीकृत समाजवादीमा प्रवेश गरेका छन् । उनी मेयर पदको दावी गरिरहेका छन् । माओवादी केन्द्रमा रहेका वाग्ले नेकपासँग पार्टी एकता एमालेमै रहेर राजनीति गरिरहेका छन् ।
उनी २०६५÷६६ सालमा उनी माओवादी नजिक भएर राजधानी दैनिकमा श्रमजीविको पक्षमा आन्दोलनमा सहभागी थिए । त्यसताका मजदुर आन्दोलनमा लागेर श्रमजीविको हक अधिकारका लागि लडेपछि राजधानी दैनिकले उनलाई कारवाही समेत गरेको थियो । उनले आर्थिक दैनिकमा काम गरे भने मासिक पत्रिका हुँदै विज्ञापन एजेन्सी समेत चलाए । उनी अहिले आधारभूमि डटकम अनलाइन चलाउछन् । वाग्ले कृषि पर्यटन व्यवसायी समेत हुन् ।