२५ चैत ०७८ , काठमाडौं । सोल्टीदोबाटोमा मोटरसाइकललाई ठक्कर दिएर फरार गाडी चालक पक्राउ परेका छन्। गाडीको ठक्करबाट मोटरसाइकल चालकको मृत्यु भएको थियो। फरार रहेका गाडीका चालकलाई प्रहरीले कागेश्वरी मनहरा नगरपालिका-५ डाँछीबाट बिहीबार पक्राउ गरेको महानगरीय प्रहरी परिसर काठमाडौंले जानकारी दिएकाे छ। चालक ओखलढुंगा सुनकोशी गाउँपालिका-२ घर भई डाँछी बस्ने १९ वर्षीय मनकुमार तामाङ पक्राउ हुन्।
बुधबार साढे ३ बजे काठमाडौं महानगरपालिका-१३ सोल्टिदोबाटोस्थित नेपाल इन्भेष्टमेन्ट बैंक अगाडिको सडकखण्डमा बा १७ च ४९०३ नम्बरको टाटा योद्धा भ्यानले बागमती प्रदेश. ०२-०२८ प ७७२१ नम्बरको मोटरसाइकललाई ठक्कर दिएको थियो।
ठक्करबाट मोटरसाइकलमा सवार चन्द्रागिरि नगरपालिका-२ का ३० वर्षीय किशोर सुवेदी घाइते भएका थिए।
उनको उपचारको लागि स्वयम्भूस्थित मनमोहन मेमोरियल अस्पताल लगिएको थियो। त्यहाँ उपचारको क्रममा मृत्यु भएको थियो।
प्रतिक्रिया