राप्रपाबाट काठमाडौंको मेयरमा कलाकार मदनदास श्रेष्ठ सिफारिस

९ वैशाख ०७८, काठमाडौं । राष्ट्रिय प्रजातन्त्र पार्टीबाट काठमाडौं महानगरपालिकाको मेयरमा कलाकार मदनदास श्रेष्ठलाई उम्मेदवारमा सिफारिस गरिएको छ ।

महानगर समितिको बिहीबार बसेको बैठकले मेयरको उम्मेदवारका लागि कलाकार मदनदास श्रेष्ठको नाम सिफारिस गरेको गरेको हो । कलाकार श्रेष्ठ ५ दशकदेखि कलाकारिता यात्रामा अनवरत रुपमा लागि परेका छन् । उनी कलाकारका साथै समाजसेवा लगायत विभिन्न सामाजिक कार्यमा समेत रुची पूर्वक काम गर्दै आएका छन् ।

उनी काठमाडौँ महानगरपालिकाको अन्य प्रत्यासी भन्दा चिरपरिचित र लोकप्रिय व्यक्तिको रुपमा चिनिदै आएका छन् । उनको ख्याती राष्ट्रदेखि अन्तर्राष्ट्रिय स्तरमा समेत राम्रो छ । व्यक्तिगत रुपमा भन्नु पर्दा उनी स्वदेशमा धेरै प्रतिष्ठित व्यक्तिका साथै बिदेशमा समेत चर्चित व्यक्तित्वहरुसँग सामिप्यता राख्छन् ।