काठमाडौंबाट ८ वटा स्कुटर चोरी गर्ने ५ जना युवकहरु पक्राउ

१० वैशाख ०७९, काठमाडौं । काठमाडौंका विभिन्न ठाँउबाट चोरी भएका ८ वटा स्कुटरसहित काभ्रे धुलिखेल नगरपालिका ११ घर भएका १८ वर्षीय युवक सहित ५ जना युवकहरूलाई प्रहरीले पक्राउ गरेको छ ।
प्रहरी वृत्त स्वयम्भूबाट खटिएको प्रहरीले बुधबार १ जना युवकलाई चोरी भएको १ वटा स्कुटर सहित नियन्त्रणमा लिई थप अनुसन्धान गर्ने क्रममा काठमाडौंका विभिन्न स्थानबाट चोरी गरी स्कुटर लुकाई राखेको खुल्न आएपछि बिहीबार काठमाडौं महानगरपालिका–१५ चौमतीस्थित सडकबाट चोरी भएका अन्य ७ थान स्कुटर सहित चोरी कार्यमा संलग्न ती युवकहरूलाई पक्राउ गरेको हो ।
उनीहरूलाई चोरी सम्बन्धी कसूरमा जिल्ला अदालत काठमाडौंबाट ५ दिन म्याद थप अनुमति लिई प्रहरी वृत्त स्वयम्भूबाट थप अनुसन्धान भइरहेको प्रहरीले जानकारी दिएको छ ।