ललितपुरको महालक्ष्मी नगरको सर्वदलीय बैठकमा सहमती नहुँदा भएन मतगणना

३१ वैशाख ०७९, ललितपुर । ललितपुरको महालक्ष्मी नगरपालिकामा मतगणनाका लागि बसेको सर्वदलीय बैठकमा सहमती जुट्न नसक्दा मतगणना तत्कालका लागि स्थगित भएको छ ।
लहालक्ष्मी नगरकी मतगणना अधिकृत सुशीला ज्ञावालीका अनुसार हिजो शुक्रबार अवेर बसेको सर्वदलीय बैठकमा सहमती नजुटेपछि मतगणना हुन नसकेको बताइन् । उनले भनिन्, ‘स्प्रष्ट कुरा चाही अझैं आएको छैन । ११ बजे फेरि बैठक बोलाइएको छ ।’ माओवादीबाट केही विमती रहेको भन्ने कुरा आएको उनको भनाई छ ।
राती नौ बजे बसेको सर्वदलीय बैठक विहान ३ बजेसम्म बस्दा पनि सहमती जुटेको थिएन ।
मत पेटिका हिजो राती नै आएको छ ।
महालक्ष्मी नगरका गठबन्धनका उम्मेदवार शिव कट्टेलका अनुसार विहान ११ बजे फेरि बैठक बसेर निर्णय गर्ने सल्लाह भएको बताए ।
उम्मेदवारी नभएको ठाँउमा भोट हालेको खण्डमा के गर्ने भन्ने विवाद भएको उने बताए ।
नेपाली काँग्रेसले निर्वाचन आयोगले आफ्नो पार्टीलाई महत्व नदिएको गुनासो गरेको छ ।
नेकपा एमालेका प्रत्यासी हरिगोविन्द श्रेष्ठले राती नै विवाद मिल्ने अवस्था रहेकोमा फेरि विवाद भएको बताए । उनले भने, ‘नेपाली काँग्रेसको मेयरको उम्मेदवार छैन । गठबन्धनको विभिन्न विवाद होला ।’