राजधानीको गुर्सिङ्गल र धुम्बाराहीमा चोरी

४ जेठ ०७९, काठमाडौं । काठमाडौं महानगरपालिका ४ धुम्बाराही पिपलबोट डेरा गरी बस्ने ४१ वर्षीया साधना प्याकुरेलको कोठाबाट सुनका विभिन्न गरगहना, र नगद समेत गरी करिब ७ लाख २० हजार रूपैयाँ बराबरको धनमाल मंगलबार बिहान चोरी भएको छ । ललितपुर महानगरपालिका १ गुर्सिङ्गल चोक डेरा गरी बस्ने ५२ वर्षीय रामलाल शाहको कोठाबाट सुनचाँदीका विभिन्न गरगहना र ल्यापटप समेत गरी करिब ८ लाख ७० हजार रूपैयाँ बराबरको धनमाल मंगलबार दिउँसो चोरी भएको छ ।
चोरीमा संलग्न फरार व्यक्तिहरूको खोजी गर्नुका साथै यस घटनका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।