कोञ्ज्योसोममा नवनिर्वाचित जनप्रतिनिधिहरुलाई प्रमाणपत्र वितरण

६ जेठ ०७९,ललितपुर । दक्षिण ललितपुरको कोञ्ज्योसोम गाउँपालिकाका नवनिर्वाचित गाउँपालिकाका प्रमुख, उपप्रमुख सहित सबै वडाका जनप्रतिनिधिलाई निर्वाचित भएको प्रमाणपत्र वितरण गरिएको छ ।
बिहीबार गाउँपालिकामा निर्वाचन अधिकृत देवीकुमारी चौधरीले नवनिर्वाचित गाउँपालिका अध्यक्ष कृष्णमान लामा, उपाध्यक्ष राजनप्रसाद घिमिरे,वडा अध्यक्षहरु सन्तलाल लामा, रोहण घलान तामाङ्ग, तिलक बहादुर भोम्जन, तीर्थ लामा र विजय स्याङ्गतानसहित निर्वाचित वडा सदस्यहरुलाई प्रमाणपत्र वितरण गरेकी छिन् ।
प्रमाणपत्र वितरण गर्दै निर्वाचन अधिकृत चौधरीले निर्वाचन सफल बनाउन सहयोग गर्ने राजनीतिक दल,उम्मेदवार र स्थानीयबासीलाई धन्यवाद दिएन् । उनले भनिन्, ‘सबै निर्वाचित जनप्रतिनिधिहरुलाई हार्दिक बधाई दिन चाहन्छु । तपाईहरुको कार्यकाल सफल होस् ।’

दक्षिण ललितपुरको यस गाँउपालिका अध्यक्षमा नेकपा एमालेका कृष्णमान लामा विजयी भएका थिए भने उपाध्यक्षमा नेपाली कांग्रेसका राजनप्रसाद घिमिरे निर्वाचित भएका थिए ।
वडाध्यक्षहरुमा २÷२ वटा वडामा माओवादी केन्द्र र नेपाली काँग्रेस विजयी भएका थिए भने १ वटा वडामा नेकपा एमाले विजयी भएको थियो ।