मकवानपुरको वाग्मती गाउँपालिकाको अध्यक्षमा घलान र उपाध्यक्षमा तिमिल्सिना विजयी

७ जेठ ०७९, मकवानपुर । मकवानपुरको वाग्मती गाउँपालिकाको अध्यक्ष पदमा गठबन्धनका तर्फबाट नेकपा (माओवादी केन्द्र) का उम्मेदवार सर्केश घलान सात हजार ३ सय ८४ मत प्राप्त गरी विजयी हुनुभएको मुख्य निर्वाचन कार्यालय मकवानपुर हेटाँैडाले जनाएको छ ।
उनका निकटतम प्रतिश्पर्धी नेकपा (एमाले)का उम्मेदवार खेम जर्गा मगरले छ हजार १ सय ६६ मत प्राप्त गरेको बताइएको छ । त्यस्तै सो गाउँपालिकाको उपाध्यक्षमा नेपाली कांग्रेसका उम्मेदवार फणीन्द्र तिमिल्सिनाले सात हजार ९सय ३५ मत ल्याएर विजयी भएको सो कार्यालयले जनाएको छ ।
मतगणना हुँदा उनकी निकटतम प्रतिद्वन्द्वी एमालेकी धनमाया स्याङ्तानले चार हजार ६सय ६९ मत ल्याएकी हुन् । यसअघि धनमाया २०७४ सालको निर्वाचनमा उक्त पार्टीका तर्फबाट गाउँपालिकाको उपाध्यक्षमा विजयी भएकी थिइन् ।