हेटौडामा दुई दुर्घटना, दुई जनाको मृत्यु

२१ जेठ ०७९, हेटौडा । शुक्रबार हेटौडामा भएको छुट्टा छुट्टै दुर्घटनामा २ जनाको मृत्यु भएको छ ।
प्रहरीका अनुसार ट्याक्टर र बोलेरो दुर्घटनापछि दुवैको चालकहरुको मृत्यु भएको हो ।
प्रहरीले दिएको जानकारी अनुसार पूर्वपश्चिम महेन्द्र राजमार्गअन्तर्गत हेटौँडा ३ को तीनताप्के भन्ने ठाउँमा खुकुरा बोक्ने बोलेरो गाडी दुर्घटना हुँदा बोलेरोका चालकको मृत्यु भएको छ । शुक्रबार दिउँसो बस्तिपुरबाट हेटौँडातर्फ आउँदै गरेको ना ५ च ३६२७ नम्बरको बोलेरो गाडी अनियन्त्रित भई दुर्घटनाग्रस्त हेटौंँडा ६ का ३३ वर्षीय गोपाल दाहालको मृत्यु भएको हो ।
शुक्रबार नै यसै ठाउँनजीक ट्याक्टर दुर्घटना हुँदा चितवनको रत्ननगर ८ का ३१ वर्षीय सन्दिप अर्यालको ज्यान गएको थियो ।
हेटौंँडाबाट मनहरीतर्फ जाँदै गरेको ना २ च २९५ नम्बरको ट्र्याक्टर अनियन्त्रित भई खोल्सामा पल्टिदा चालक अर्यालको घटनास्थल मै मृत्यु भएको प्रहरीले जनाएकोे छ ।