जवलाखेलमा आज मच्छिन्द्रनाथको भोटो देखाइने, शनिबार पनि सरकारले भन्यो ‘विदा’

ललितपुर खबर
२१ जेठ  ०७९, ललितपुर । आज ललितपुरको जावलाखेलमा रातो मच्छिन्द्रनाथको भोटो देखाइने भएको छ । पाटनस्थित मंगलटोलको मणिमण्डप पाटीमा साइत हेरेपछि कीर्तिकिरण जोशीले २ आज १ जेठमा रातो मत्छिन्द्रनाथको भोटो देखाउने जात्रा साइत निकालेका थिए ।
गतबुधबार १८ जेठ बुधबारका दिन लगनखेलस्थित इति टोलबाट रथ तानेर जावलाखेल पु¥याएको आज चार दिनपछि भोटो देखाउन लागिएको हो ।
हरेक वर्ष यस पाटीमा बसेर जोशीहरूले साइत हेर्ने चलन छ ।
आज राष्टपति विद्यादेवि भण्डारी, प्रधानमन्त्री शेरबहादुर देउवालगायतको उपस्थितीमा भोटो देखाइनेछ ।
भोटो देखाएपछि मच्छिन्द्रनाथलाई खटमा राखेर बुङमती मन्दिरमा लगिन्छ । बुङमती मन्दिरमा६ राखिन्छ भने पाँच महिना पाटनको मच्छिन्द्रवहालस्थित मन्दिरमा सारिन्छ ।
हरेक १२ वर्षमा भने पाटनबाटै रथ तानेर बुङमति पु¥याउने गरिन्छ । २०७२ सालमा मनाइएको मच्छिन्द्रनाथको १२ वर्षे जात्रा अब २०८४ सालमा मनाइन्छ ।
भोटो जात्राको अवसरमा सरकारले काठमाडौं उपत्यकामा विदा दिने चलन अनुसार गृह मन्त्रालयले आज विदा दिने घोषणा गरेको छ । यद्यपी आज शनिबार हो । शनिबार र आइतबार सार्वजनिक विदा भएको अवस्थामा विदा घोषणा गर्नु जरुरी नरहेको भन्दै सामाजिक सञ्जालमा टिप्पणी गरिएको छ ।