दुई दिन सार्वजनिक बिदा निर्णय बदर गर्न माग गर्दै सर्वाच्च अदालतमा रिट

२३ जेठ ०७९, काठमाडौं । सरकारले दिने भनेको हप्तामा दुई दिन सार्वजनिक विदा निर्णय बदर गर्न माग गर्दै सर्वोच्च अदालतमा रिट दायर भएको छ । आइतबार पनि सार्वजनिक विदा दिने वैशाख २६ गतेको निर्णय बदर गर्न र परमादेश माग गरेका गर्दै रिट परेको हो ।

मन्त्रिपरिषदले आवश्यक विचार विमर्श नै नगरी हप्तामा दुई दिन सार्वजनिक विदा दिएको भन्दै अधिवक्ता रामबहादुर शाही, तेजबहादुर लोहिया, सन्तोष भण्डारी र त्रिलोकबहादुर चन्दले रिट दायर गरेका हुन् ।

मन्त्रिपरिषदको बैठक जेठ १ देखि सरकारी कार्यालयमा शनिबार र आइतबार सार्वजनिक विदा कार्यान्वयन भइरहेको छ ।