भक्तपुरका कल्याण साहुको शव रगताम्य अवस्थामा फेला

२९ जेठ ०७९, भक्तपुर । भक्तपुरमा पुरूषको हत्या गरिएको अवस्थामा शव भेटिएको छ । आइतबार बिहान मध्यपुर थिमी नगरपालिका ८ बोडैस्थित लर्डबुद्ध स्कुल अगाडिको निर्माणाधिन टहरामा पुरूषको शव फेला परेको जिल्ला प्रहरी परिसर भक्तपुरले जनाएको छ ।
शव रगताम्य अवस्थामा फेला परेको छ । प्रहरीलाई शव फेला परेको खबरपछि घटनास्थलमा टोली पुगेको थियो।
मृतक मध्यपुर थिमी ८ बस्ने ५१ वर्षीय कल्याण साहु रहेका छन्। उनको टाउकोमा चोट लागेको देखिएको छ।

‘काठको फर्माले टाउकोमा हिर्काएर हत्या गरेको जस्तो देखिएको छ भने घटनास्थल नजिकैबाट रगत लागेका फर्मा पनि भेटिएको छ ।
उनको हत्या गरेको आरोपमा प्रहरीले केही व्यक्तिहरूलाई नियन्त्रणमा लिएको छ।