३० जेठ ०७९, काठमाडौं । काठमाडौंको कोटेश्वरमा मध्यराती मिनी ट्रकले मोटरसाइकललाई ठक्कर दिंदा एक जनाको मृत्यु भएको छ ।
प्रहरीका अनुसार पाँचथरको मिक्लाजुङ गाउँपालिका ५ घर भई काठमाडौंको काँडाघारी बस्दै आएकी मिनी ट्रकले ठक्कर दिएको ३४ वर्षीय सम्झना राईको मृत्यु भएको प्रहरीले बताएको छ ।
कोटेश्वरबाट जडीबुटीतर्फ जाँदै गरेको ना५ख २८१९ नम्बरको मिनी ट्रकले आइतबार राति पौने १० बजे जडीबुटीतिरै गइरहेको बा७१प ३०५४ नम्बरको मोटरसाइकललाई ठक्कर दिंदा राई सख्त घाइते भएकी र महाराजगंजस्थित त्रिवि शिक्षण अस्पतालमा उपचारको क्रममा उनको राति नै मृत्यु भएको प्रहरीले बताएको छ ।
ठक्कर दिने मिनी ट्रकका चालकलाई प्रहरी प्रभाग कोटेश्वरले नियन्त्रणमा लिएको छ ।
प्रतिक्रिया