१ असार ०७९, काठमाडौं । काठमाडौंको कालिकास्थान स्थित ट्रिनिटी कलेजमा कार्यरत सुरक्षा गार्डमाथि खुकुरी प्रहार भएको छ । मंगलबार दिउँसो साढे १ बजेतिर सुरक्षा गार्डलाई केही व्यक्तिहरुले खुकुरी प्रहार गरेका हुन् ।
सूचना प्राप्त भइसक्दा प्रहरीले घाइतेलाई उद्धार गरी मोडेल अस्पताल पुर्याएको थियो ।
घटनामा संलग्न रहेको आरोपमा प्रहरीले मानविकी संकायमा कक्षा ११ मा अध्ययनरत चार जना विद्यार्थीलाई नियन्त्रणमा लिएको छ ।
पक्र्राउ पर्नेमा जोसेन बानियाँ, विपिन खत्री, प्रतिक खतिवडा र सञ्जिव भण्डारी रहेका छन् । धारिलो हतियार प्रहारबाट बायाँ कान मुनि चोट लागेका ती सुरक्षा गार्ड उपचारपछि डिस्चार्ज भएको र उनको अवस्था सुधारोन्मुख रहेको प्रहरीले जनाएको छ ।
प्रतिक्रिया